Tréimhse an chonartha

Suas le 25 seachtaine

An Ról

Beidh an sealbhóir poist ag obair in Oifig an Choimisinéara Gaeilge, agus beidh sé chun tosaigh i gcruthú agus cur i bhfeidhm na stratéise cumarsáide. Tacóidh an straitéis le príomhaidhm an Choimisinéara – úsáid na Gaeilge sna húdaráis phoiblí a chur chun cinn agus a chosaint agus seirbhísí á soláthar don phobal nó do sciar den phobal i dTuaisceart Éireann.

Beidh an sealbhóir poist ag obair le comhghleacaithe ar fud na hearnála poiblí, agus le phríomhpháirtithe leasmhara, lena n-áirítear earnáil na Gaeilge, ionadaithe polaitiúla, Aonad Fógraíochta, Preasoifig agus Oifig Phríobháideach an Rialtais.

Príomhfhreagrachtaí

Stráitéis Chumarsáide

o Stráitéis chumarsáide chuimsitheach a fhorbairt agus a chur i bhfeidhm ar mhaithe le cuspóirí agus feidhmeanna reachtúla an Choimisinéara a chur chun cinn.

o Úsáid a bhaint as ardáin dhigiteacha, na meáin shóisialta agus na meáin thraidisiúnta le daoine a chur ar an eolas faoi aidhmeanna agus feidhmeanna na hoifige. Cinnte a dhéanamh de go mbíonn teachtaireachtaí oiriúnaithe do phríomhluchtanna sprice:

– Cainteoirí agus foghlaimeoirí Gaeilge

– Údaráis phoiblí agus soláthraithe seirbhíse

– Na meáin agus ceannairí tuairimíochta

o Ábhar a chruthú a tharraingíonn aird ar dhea-chleachtas agus ar scéalta fá rath i dtaca le soláthar seirbhíse fríd Ghaeilge.

o Monatóireacht agus measúnú a dhéanamh ar éifeachtacht feachtas, rud a dheimhníonn luach ar airgead agus tionchar is féidir a thomhas.

Rannpháirteachas le Páirtithe Leasmhara

o Caidrimh láidre a chothú le comhlachtaí poiblí, grúpaí pobail, agus eagraíochtaí abhcóideachta le comhoibriú a chur chun cinn.

o Ionadaíocht a dhéanamh ar Oifig an Choimisinéara ag imeachtaí, seisiúin chomhairliúcháin, agus cruinnithe pobail.

o Cuir i láthair, faisnéisithe, agus tuarascálacha do pháirtithe leasmhara, lena n-áirítear ranna rialtais agus eagraíochtaí meán, a ullmhú agus a chur ar fáil.

Bainistíocht Acmhainní agus Buiséid

o Cur leis an bhainistíocht ar an bhuiséad cumarsáide agus teagmhála.

o Cinnte a dhéanamh de go gcloíonn gach gníomhaíocht le beartais airgeadais agus torthaí a sholáthar atá éifeachtúil ó thaobh costas de.

Comhordú Imeachtaí

o An phleanáil agus soláthar a threorú i dtaca le himeachtaí bolscaireachta, comhdhálacha, agus feachtais feasachta bharrthábhachtacha, a bhaineann le ról an Choimisinéara.

o Aiseolas agus sonraí a bhailiú le heolas a thabhairt do straitéisí sa todhchaí agus le rannpháirtíocht a fheabhsú.

Cumarsáid Inmheánach

o Gníomhú mar phríomhphointe teagmhála do riachtanais bholscaireachta inmheánacha.

o Oibriú go comhoibríoch ar fud foirne ar mhaithe le brandáil agus teachtaireachtaí atá leanúnach a chinntiú.

o Acmhainní eolais a tháirgeadh agus a uasdátú (acmhainní cló agus digiteacha) agus monatóireacht a dhéanamh ar rannpháirtíocht ar na meáin shóisialta.

Critéir Bhunriachtanacha

· Ba chóir go mbeadh ar a laghad dhá bhliain de thaithí ag an iarrthóir rathúil ag obair i ról comhchosúil agus is fearr go mbeadh Gaeilge líofa ar a thoil aige.